He Tatauranga Ira Tangata

Ka āta tirohia e te Tatauranga Ira Tangata i ngā rerekētanga o te oranga o te tāne i tō te, tae atu ki ngā rerekētanga e puta ai ngā āhuatanga kore ōrite taha hapori, taha ōhanga, ā, ka tāpirihia atu tēnei māramatanga ki te mahi kaupapahere me te whakarato ratonga.

Kei te Minitatanga mō ngā Wāhine te mana whakahaere kia tutuki ngā painga mō ngā wāhine mā te whakamahi i te Rautaki mō ngā Wāhine o Aotearoa, ā, kua waihangatia e rātou he anga mō te Tatauranga Ira Tangata kia tutuki ngā painga mō ngā wāhine.

E wātea ana ki a koe ngā tohutohu ārahi ki te tatauranga ira tangata, ā, mō te roanga atu o ngā kōrero e pā ana ki te tatauranga ira tangata, tirohia Te Pikitia Whānui. 

Ka mahi tahi te Minitatanga ki ētahi atu pokapū ki te āta titiro ki ētahi kaupapa matua anake me te pānga o aua kaupapahere ki ngā wāhine. E tika ana kia tirohia e tēnā, e tēnā tari kāwanatanga ngā pānga o ōna kaupapahere hōu ki ngā wāhine me ngā tāne, ā, me mātua whakauru atu ki ngā tāpaetanga kōrero katoa ki ngā Komiti Rūnanga o te Kāwanatanga Hapori Ōrite he Tauākī mō ngā Pānga Ira Tangata.

Ki te hiahia toro atu koe ki ētahi atu o ngā whārangi reo Pākehā, pēhia atu te pātene Reo Pākehā kei runga ake i te taha mauī o tō urungi.